POP 5

Lajmet më të lexuara të 5 minutave të fundit

Sociale

Drejt Punës

Lajme nga emisionet

'Më paragjykuan se fshija rrugët', kolonjari prek me rrëfimin në 'Një nga ne': Dua të gdhend gurin, por s’të jep të ardhura

Kur të tjerët janë ende duke fjetur, Lorenc Dhimitri merret me mbledhjen e inerteve dhe zbrazjen e kazanëve të mbeturinave në qytetin e Ersekës.

NJË NGA NE/ Lodhjen dhe paragjykimet i harron kur shikon qytetin e tij të pastër.

Kur të tjerët janë ende duke fjetur, Lorenc Dhimitri merret me mbledhjen e inerteve dhe zbrazjen e kazanëve të mbeturinave në qytetin e Ersekës.

“Çohem gjithmonë në orën 5 për të kontribuar për një qytet më të pastër”, tha ai në emisionin "Një nga Ne" në Report tv.

Mbajtja pastër e qytetit është domosdoshmëri për shëndetin, sigurinë dhe pamjen e tij. Megjithatë, këta punonjës qëndrojnë shpesh në hije dhe përbuzen nga qytetarët.

“Çne ti të bësh këtë punë?!”

Komente të kësaj natyre, 49 vjeçari i hodhi pas krahëve. Puna nuk është turp, ndaj e pranoi pa hezitim kur ia ofruan.

1 dekadë mes paragjykimeve, lodhjes, vështirësive, por edhe kënaqësisë kur shikon qytetin të mirëmbajtur.

“Pastrimi është gjëja më prioritare për njeriun. Lodhja kuptohet, por kur puna del ashtu siç duhet, kënaqësia është e madhe. Të them të drejtën do doja të funksionoja me zanatin tim, me gurin”.

Më herët ka punuar gurgdhendës në Greqi. Kriza në shtetin grek e detyroi babanë e dy fëmijëve të rikthehej në vendlindje. Ëndrra iu ndërpre në mes, por nuk mbeti e fjetur në sirtar.

Lorenci dëshiron që të hapë një ekspozitë ndaj prej 2 vitesh po punon fort për ta realizuar këtë objektiv.

Sapo mbaron me pastrimin e qytetit, merr mjetet e punës dhe gdhend gurin. Herë pas here merr dhe ndonjë porosi, por nuk mjafton për të mbajtur familjen.

“Kur bën zanatin që dashuron nuk ndjen lodhje dhe mërzitje. Zhurma e çekanit është muzikë”

Me thjeshtësinë dhe sinqeritetin që e karakterizon na rikthen në vëmendje rëndësinë e profesioneve që shpesh herë nuk vlerësohen sa duhet.

Megjithatë, dikush duhet t’i bëjë këto punë sepse vetëm kështu mund të funksionojë bashkëjetesa në komunitet.

Emisionin “Një nga ne” mund ta ndiqni çdo të mërkurë, ora 20:00 në ekranin e Report Tv.

B.K/N.Xh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • poli: 28/03/2024 10:12

    PUNA eshte nder,,edhe pastrimi i qytetit eshte i domosdoshem,,ndryshe do vdesim me shpejt nga pluhuri dhe semundjet,,,por duhet qe pastrimi te behet me makina me furca qe thithin pluhurin ne rruge,,bashikia duhet ti bleje ato...,,

    Përgjigju
  • Arben: 28/03/2024 03:54

    Lorenc shume Respekt per punën dhe dashurin per gurin, vazhdo kështu se mirë do të dali vetëm durim dhe dashuri per atë që bënë???? Flm Arbeni

    Përgjigju
  • Iris: 28/03/2024 00:35

    Nuk ka asgje te keqe te jesh pastrues,tek ne pastruesit e rrugeve paguhen sa policet,vetem se ndryshe nga aty ne Shqiperi punojne me makina,nuk shikon njeri me fshese.Edhe ata qe mbledhin koshat/thaset cdo jave,qe paguhen gjithashtu nga bashkia,njelloj sa policet paguhen,vetem se kane kushte qe duhet te plotesojne si arsim i mesem,gjendje shendetsore e mire dhe duhet te kene nje fizik prej sportisti, se duhet te ngrene pesha.Ndersa per pastrimin e rrugeve me makina-vakum shikon dhe meshkuj e femra,kur behet fjale per kazanet/thaset eshte pune vetem e meshkujve.Shpresoj qe dhe aty t'ju paguajne mire bashkite!

    Përgjigju
    • Policioto: 28/03/2024 09:38

      Ka vajt pun e policit më dobët se pastruesit

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Pashkët ortodokse, Balla në Kapshticë kërkon marrjen e masave për lëvizjen në pikat kufitare

Pashkët ortodokse, Balla në Kapshticë kërkon marrjen e masave për lëvizjen në pikat kufitare

27 Prill, 12:13